ഒരു വേനല്‍ക്കുറിപ്പ്

പെയ്തിറങ്ങിപ്പോയ വാക്കുകള്‍ക്കപ്പുറം

പുത്തന്‍ പ്രപഞ്ചമുണ്ടാവാം

വീണെരിഞ്ഞീടുമീ വേനല്‍ക്കുറിപ്പുകള്‍

വീണ്ടും കുറിച്ചു പോയേക്കാം

ചുറ്റംബലങ്ങളില്‍ നീളെത്തിരക്കിട്ടു

ചുറ്റുന്ന സാന്ധ്യരാഗങ്ങളെ,

ചൊല്ലിപ്പഠിച്ചുവോ നിങ്ങളീ ഭൂമി തന്‍

ചില്ലക്ഷരങ്ങളോരോന്നും…..

ഇന്നലെ കാറ്റിന്റെ തോള്‍സഞ്ചിയില്‍ വച്ച

ചെംബകപ്പൂമണം പോലും,

ഇന്നിന്റെ മാറത്തു വീണലിയുന്നുവോ

വിണ്ണിന്റെ കണ്ണുനീറ് പോലെ

എത്രയോ കാതങ്ങളപ്പുറത്തുന്നൊരു

മിത്രമണഞുവോ ചാരെ,

ചക്രവാളങ്ങളെ തൊട്ടുവന്നെത്തിയ

മിത്രമിവള്‍ക്കു പേരോറ്മ്മ.

ചിത്രങ്ങളേറെയുണ്ടായിടാം നിന്റെയീ

ചിത്രവറ്ണ്ണക്കിളിക്കൂട്ടില്‍,

തട്ടിക്കുടഞ്ഞു തുടച്ചു മിനുക്കി-

യെടുത്തു വച്ചീടണമെല്ലാം,

ഒറ്റക്കിരുട്ടത്തിരുന്നു കണ്‍പാറ്ക്കുവാ-

നിച്ചെറു ഭാണ്ടത്തിനുള്ളില്‍.

എന്‍ മുറിപ്പാടിന്‍ കറുത്ത നിണത്തില്‍-

ക്കലറ്ത്തിടാമീ വറ്ണ്ണമേളം

അക്കടും ചായം തുളുംബുന്ന തൂലിക-

യ്ക്കൊന്നേ കുറിക്കുവാനാകൂ

അവ്യക്തമേതോ വിദൂരജന്മത്തില-

ന്നെന്നൊ വരച്ചിട്ട വാക്ക്……….